امریکہ کے نائب صدر جے ڈی وینس نے کہا کہ ایران کے ساتھ مذاکرات جاری ہیں اور ایران مذاکرات کا خواہاں ہے۔ صدر ٹرمپ ایران کے ساتھ چھوٹی نہیں بلکہ ایک جامع ڈیل کے خواہاں ہیں۔ یونیورسٹی آف جارجیا میں تقریب سے خطاب اور سوالوں کے جواب میں امریکی نائب صدر جے ڈی وینس نے کہا کہ ایران سے جنگ بندی برقرار ہے۔ پاکستان کی ثالثی میں مذاکرات میں زبردست پیشرفت ہوئی۔ انہوں نے کہا کہ 49 برس میں اس اعلیٰ سطح کے امریکہ ایران مذاکرات نہیں ہوئے۔ امریکہ اور ایران میں عدم اعتماد ایک رات میں دور نہیں ہو سکتا۔
جے ڈی وینس نے کہا کہ ایرانی جانتے ہیں کہ صدر ٹرمپ نے مجھے نیک نیتی سے بھیجا۔ انہوں نے مزید کہا کہ صدر ٹرمپ چاہتے ہیں کہ ایران کے ساتھ ایسا معاہدہ ہو کہ ایرانی عوام عالمی معیشت کا حصہ بن سکیں۔ ایران سے مذاکرات میں جس مقام پر ہیں اس پر بہتر محسوس کرتا ہوں۔
