پشاور (خصوصی رپورٹر) ممتاز سوشل ایکٹوسٹ اور سینئر ٹیلی ویژن فنکار سید سردار بادشاہ (پرائیڈ آف پرفارمنس) نے خیبر سحر پروگرام میں شرکت کے دوران خیبر ٹیلی ویژن کی خدمات کو سراہتے ہوئے کہا کہ یہ ادارہ ہر شعبے میں باصلاحیت افراد کی حوصلہ افزائی کرتا رہا ہے۔
میزبان مینہ شمس سے گفتگو کرتے ہوئے انہوں نے اپنی فنی اور سماجی خدمات پر تفصیل سے روشنی ڈالی اور کہا کہ خیبر ٹیلی ویژن نے انہیں سمیت بے شمار فنکاروں کو اپنی صلاحیتیں نکھارنے اور آگے بڑھنے کا بہترین پلیٹ فارم فراہم کیا، جس نے انہیں کامیابی کی راہ پر گامزن کیا۔
سید سردار بادشاہ نے مزید کہا کہ انہیں یہ اعزاز حاصل ہے کہ انہوں نے طویل عرصے تک نوجوانوں کے لیے ایک اہم پروگرام بطور اینکر پیش کیا۔ ان کے مطابق خیبر ٹیلی ویژن نہ صرف فنکاروں کا ترجمان ہے بلکہ ان کے لیے باعثِ فخر بھی ہے۔
