پشاور (حسن علی شاہ) خیبر نیوز پشاور سے نشر ہونے والا معروف روڈ شو "خیبر واچ” اپنی طویل مدت کے باوجود آج بھی مقبولیت کے اعتبار سے سرفہرست ہے۔ اس کی بنیادی وجہ اس پروگرام کا منفرد اور مؤثر فارمیٹ ہے، جو معاشرتی برائیوں کے خلاف ایک مضبوط آواز بن چکا ہے۔
"خیبر واچ” کا مقصد معاشرے میں موجود ان عناصر کو بے نقاب کرنا ہے جو جعلسازی، دھوکہ دہی، بلیک مارکیٹنگ، ناجائز منافع خوری، ملاوٹ، جعلی حکمت، تعویذ گنڈوں، جادو ٹونے، انسانی اسمگلنگ، پیشہ ور گداگری، تجاوزات، بھتہ خوری اور لینڈ مافیا جیسے جرائم میں ملوث ہیں۔
یہ پروگرام ان غیر قانونی سرگرمیوں کے خلاف ایک "بلیک وارنٹ” کی حیثیت رکھتا ہے اور عوامی مسائل کو اجاگر کرتے ہوئے متعلقہ اداروں کی توجہ حاصل کرتا ہے۔
اس اہم روڈ شو کے میزبان محمد اسماعیل ہیں، جن کا منفرد انداز اور جرات مندانہ رپورٹنگ پروگرام کی کامیابی اور مقبولیت میں کلیدی کردار ادا کر رہی ہے۔
