خیبر پختونخوا اسمبلی نے آئندہ مالی سال 27۔2026 کا بجٹ منظور کرلیا، ایوان نے سالانہ ترقیاتی پروگرام میں ترامیم کی بھی منظوری دی ۔
پشاور:وزیر قانون و خزانہ آفتاب عالم اور متعلقہ وزراء نے 66 مطالبات زر اور سالانہ ترقیاتی پروگرام میں ترمیم کے لئے الگ الگ تحاریک پیش کیں ۔
سپیکر نے تمام تحاریک پر ایوان سے رائے شماری کی، سپیکر نے اپنے اختیارات کا استعمال کرتے ہوئے کٹوتی تحاریک نمٹا دی ۔
خیبر پختونخوا اسمبلی نے 66 مطالبات زر کی مد میں مجموعی طور پر 2 ہزار 170 ارب روپے کی منظوری دے دی،صوبائی اسمبلی کے لئے مطالبات زر کی مد میں 62 کروڑ 79 لاکھ کی منظوری دی گئی ۔
محکمہ خزانہ کے لئے 14 ارب 73 کروڑ، داخلہ کے لئے 4 ارب 56 کروڑ سے زائد کی منظوری دیدی گئی، پولیس کے لئے ایک کھرب 38 ارب، اعلی تعلیم کے لئے 52 ارب 46 کروڑ 10 لاکھ روپے منظور کئے گئے ۔
صحت کے لئے مطالبات زر کی مد میں 2 کھرب 62 ارب 62 کروڑ روپے کی منظوری دے دی گئی، مواصلات کےلئے 7 ارب 77 کروڑ، آبپاشی کےلئے 11 ارب 27 کروڑ منظور کئ گئے ۔
ایوان نے معدنی ترقی کے لئے 2 ارب 27 کروڑ، بہبود آبادی کے لئے ایک ارب 24 کروڑ منظورکئے جبکہ ابتدائی و ثانوی تعلیم کے لئے مطالبات زر کی مد میں 21 ارب 13 کروڑ 66 لاکھ روپے کی منظوری بھی دی ۔
