خیبرپختونخوا کے ضلع ہنگو میں پولیس چیک پوسٹ پردہشت گردوں کے حملے میں ڈی ایس پی سٹی دیار خان سمیت 7 اہلکار شہید اور 22 زخمی ہوگئے، پولیس کی جوابی کارروائی میں 8 دہشتگرد ہلاک کئے گئے ۔
ہنگو: ضلعی پولیس آفیسر طارق حبیب کے مطابق خزینہ بانڈہ چیک پوسٹ پر دہشت گردوں نے حملہ کیا جس میں ڈی ایس پی سٹی دیار خان سمیت 7 اہلکار شہید ہوگئے ۔
ضلعی پولیس افسر نے بتایاکہ دہشتگردوں کے حملے میں ڈی ایس پی مجاہد حسین سمیت 22 پولیس اہلکار زخمی ہوئے جنہیں طبی امداد کے لیے اسپتال منتقل کر دیا گیا ۔
ڈی پی او کے مطابق پولیس کی بھرپور جوابی کارروائی 8 دہشت مارے گئے جبکہ 6 زخمی ہوگئے ، علاقے میں سرچ اینڈ سٹرائیک آپریشن بھی کیا گیا ۔
