آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ردوبدل کا نوٹی فکیشن جاری کردیا، اعلامیے کے مطابق ڈیزل کی قیمت میں 2 روپے 24 پیسے کا اضافہ کیا گیا جبکہ پٹرول کے نرخ میں صرف 75 پیسے فی لٹر کمی کی گئی ہے ۔
اسلام آباد: وزارت خزانہ کی جانب سے جاری نوٹی فکیشن کے مطابق 30 جولائی کی لیے ہائی سپیڈ ڈیزل کی قیمت میں 2 روپے 24 پیسے کا اضافہ کیا گیا ہے جس کے بعد ڈیزل کی قیمت 390 روپے 62 پیسے کی نئی بلند ترین سطح پر پہنچ گئی ۔
نوٹی فکیشن کے مطابق پیٹرول کی قیمت میں 75 پیسے کی معمولی کمی ہوئی جس کے بعد نئی قیمت 335 روپے 6 پیسے فی لیٹر پر پہنچ گئی ۔
یاد رہے کہ حکومت نے گزشتہ روز ڈیزل کی قیمت میں ایک روپے 55 پیسے جب کہ پیٹرول کی قیمت میں ایک روپے 63 پیسے فی لیٹر کا اضافہ کیا تھا ۔
