پاکستان نے بنگلادیش کو شکست دیکر سینٹرل ایشین والی بال چیمپئن شپ جیت لی، دوسری جانب ایونٹ میں تیسری پوزیشن کے میچ میں سری لنکا نے ازبکستان کو شکست دی ۔
اسلام آباد میں کھیلی گئی سینٹرل ایشین والی بال چیمپئن شپ کے فائنل میں پاکستان نے بنگلادیش کے خلاف سٹریٹ سیٹس میں کامیابی حاصل کی ۔
پاکستان کی جیت کا سکور 20-25، 16-25، 20-25 رہا۔ٹورنامنٹ میں 6 ٹیموں نے شرکت کی، پاکستانی ٹیم ایونٹ میں ناقابل شکست رہی، تیسری پوزیشن کے میچ میں سری لنکا نے ازبکستان کو شکست دی ۔
دوسری جانب وزیراعظم شہبازشریف نے پاکستانی والی بال ٹیم کو سینٹرل ایشین والی بال چیمپئن شپ جیتنے پر مبارکباد دی ہے ۔
قومی ٹیم کی جانب سے ٹائٹل جیتنے کے بعد اپنے ایک بیان میں وزیراعظم شہباز شریف نے کھلاڑیوں، کوچز اور ٹیم مینجمنٹ کی شاندار کارکردگی کو سراہا ۔
وزیراعظم نے کہا کہ قومی ٹیم نے بہترین کھیل اور ٹیم ورک کا مظاہرہ کرکے پوری قوم کا سرفخر سے بلند کیا۔ باصلاحیت نوجوان کھیل کے ہر میدان میں ملک کا نام روشن کرنے کی صلاحیت رکھتے ہیں ۔
وزیراعظم شہازشریف نے مزید کہا کہ حکومت کھیلوں کا فروغ اور نوجوان کھلاڑیوں کی ہرممکن سرپرستی جاری رکھے گی ۔
