پشاور: خیبرپختونخوا میں گورنر راج کے بعد نئی صوبائی حکومت کی ہدایت پر پشاور میں رات کے وقت بھی انسدادِ تجاوزات آپریشن جاری ہے۔
سرکلر روڈ پشاور پر رات کے وقت بھاری مشینری کی مدد سے بڑے پیمانے پر آپریشن کیا گیا.
آپریشن کے دوران درجنوں غیر قانونی تعمیرات مسمار کر دی گئیں۔
آپریشن کا مقصد سڑکوں اور عوامی گزرگاہوں کو تجاوزات سے پاک کرنا، ٹریفک کی روانی بہتر بنانا اور شہریوں کے لیے آمدورفت کو آسان بنانا ہے۔
حکومتی ذرائع کا کہنا ہے کہ نئی صوبائی حکومت عوام کی زندگیوں میں آسانیاں لانے کے لیے مختلف شعبوں میں اقدامات کر رہی ہے۔
ضلعی انتظامیہ پشاور کی جانب سے تجاوزات کے خاتمے اور عوامی گزرگاہوں کی بحالی کے اقدامات کو شہریوں کی جانب سے سراہا جا رہا ہے۔
