وفاقی تحقیقاتی ادارے لاہور سرکل نے مشترکہ کارروائی کرتے ہوئے انسانی سمگلنگ کا بین الاقوامی نیٹ ورک رنگے ہاتھوں پکڑلیا، نیٹ ورک سادہ لوح عوام کو بیرون ملک روزگار کا جھانسہ دے کر لوٹنے میں ملوث تھا۔
ترجمان وزرات داخلہ نے بتایا کہ روہ جعلی دستاویزات کی تیاری میں مہارت رکھتا تھا اور انسانی اسمگلنگ کے گروہ کا اپنا پرنٹنگ پریس تھا، پرنٹنگ پریس میں کئی ملکوں کی جعلی دستاویزات تیار کی جاتی تھیں۔
ترجمان کے مطابق مختلف ممالک میں سیاسی پناہ لینے والے افراد بھی اس گروہ سے معاونت لیتے رہے، نیٹ ورک کا انٹرنیشنل ڈنکی گروہوں سے بھی رابطے کا انکشاف ہوا ہے، مجرمانہ سرگرمیوں میں بھارتی اور افغانی باشندے ملوث تھے۔
دورانِ تفتیش پاکستان کو بدنام کرنے کی بھارتی سازش بھی بے نقاب ہوگئی، مزید گرفتاریاں بھی متوقع ہیں، تفتیش کے بعد ملزمان کے خلاف سخت قانونی کارروائی ہوگی۔
وفاقی وزیرداخلہ محسن نقوی نے نیٹ ورک کو قانون کی گرفت میں لانے پر انٹیلی جنس ایجنسی اور ایف آئی اے لاہور کو شاباش دیتے ہوئے کہا ہے کہ یہ کامیاب آپریشن انسانی سمگلنگ کے خلاف پاکستان کی کارروائیوں میں ایک اہم سنگ میل ہے۔
ان کا مزید کہنا تھا کہ انٹیلی جنس ایجنسی کی معلومات پر ایف آئی اے لاہور نے کامیاب آپریشن کیا جس پر مبارکباد دیتا ہوں، انسانی سمگلنگ روکنے کے اس طرز پر مزید آپریشن جاری رکھے جائیں گے، انسانی سمگلنگ کے خاتمے کیلئے آخری حد تک جائیں گے، انسانی سمگلنگ میں ملوث مافیا سے آہنی ہاتھوں سے نمٹا جائے گا۔
پیر, فروری 17, 2025
بریکنگ نیوز
- چیمپئنز ٹرافی کی افتتاحی تقریب، نامور کرکٹرز اور آئی سی سی آفیشلز کی بھی شرکت
- ترجمان دفترخارجہ کا خیبرپختونخوا حکومت کے افغانستان وفد بھیجنے سے متعلق بیان پر ردعمل
- قلات میں نامعلوم افراد کا لیویز چوکی پر حملہ، ایک اہلکار شہید،2 شدید زخمی
- پشاور: بڈھ بیر میں گاڑی پر فائرنگ،پولیس اہلکار سمیت 5 افراد جاں بحق
- ملاکنڈ یونیورسٹی کی طالبہ کا پروفیسر پر ہراسانی کا الزام، عبدالحسیب گرفتار، تحقیقات جاری
- سائبر سیکیورٹی میں مصنوعی ذہانت کے خطرات پر ایم فل سکالر ملک زبیر کا تحقیقی مقالے کا کامیاب دفاع
- دہشتگرد اسلام کی غلط تشریح اور اسلامی تعلیمات کی خلاف ورزی کر رہے ہیں، آرمی چیف جنرل عاصم منیر
- پٹرولیم مصنوعات کی قیمتوں میں پانچ روپے فی لیٹر تک کمی،نوٹیفکیشن جاری