افغانستان میں طوفانی بارشوں اور سیلاب نے تباہی مچا دی ہے۔جس کی وجہ سے 62 افراد جاں بحق ہوگئے ہیں۔
افغانستان کے صوبے بغلان میں طوفانی بارشوں اور سیلاب نے تباہی مچائی ہوئی ہے۔ غیر ملکی خبرایجنسی رائٹرز کی رپورٹ کے مطابق افغانستان کے صوبے بغلان میں ہونے والی طوفانی بارش اور سیلاب سے مختلف حادثات میں خواتین اور بچوں سمیت 62 افراد جاں بحق ہو گئے ہیں۔ اس کے ساتھ ہی100 سے زائد افراد زخمی ہیں۔رپورٹ کے مطابق افغانستان کے پانچ اضلاع میں ہنگامی صورتحال کے سبب سینکڑوں افراد امداد کے منتظر ہیں، جہاں پر 150 سے زائد افراد پھنسے ہوئے ہیں اور فوری طور پرامداد کے منتظر ہیں۔اس کے ساتھ ہی برازیل میں بھی کئی روز سے جاری موسلا دھار بارش اور سیلاب کے سبب ہر سو پانی ہی پانی ہے، یہاں مختلف حادثات میں 113 افراد ہلاک ہو گئے اور 754 افرد زخمی اور 140 تاحل لاپتا ہیں۔
