پی ٹی آئی کے لانگ مارچ کے یش نظر وفاقی حکومت کے اقدامات جاری ہیں، اس حوالے سے اب اسلام آباد اور پنجاب کے مختلف اضلاع میں رینجرز کی تعیناتی کی منظوری دے دی گئی ۔
اسلام آباد: وزارت داخلہ نے چیف کمشنر اسلام آباد اور حکومت پنجاب کی درخواست پر رینجرز کی تعیناتی اور قانونی اختیارات کے تحت مکمل معاونت کی اجازت دے دی ۔
جاری نوٹیفکیشن میں کہا گیا ہے کہ انتشاری اور مسلح جتھوں کے حملوں پر رینجرز اور پولیس مناسب اور ضروری جوابی ایکشن لیں، رینجرز اور پولیس کسی بھی پرتشدد سرگرمی یا خطرے سے نمٹنے کے لیے مکمل اقدامات کریں ۔
نوٹیفکیشن میں مزید کہا گیا ہے کہ رینجرز اہلکار امن و امان اور سکیورٹی معاونت کے لیے تمام ضروری ذمہ داریاں سرانجام دیں گے ۔
