اسلام آباد کی انسداد دہشتگردی عدالت نے 26 نومبر کے احتجاج کیس میں تحریک انصاف کے رہنما شیخ وقاص اکرم کے وارنٹ گرفتار جاری کردیئے ، عدالت نے عمر ایوب اور زرتاج گل کا پاسپورٹ بلاک کرنے کا حکم بھی دیدیا ۔
اسلام آباد کی انسداد دہشت گردی عدالت نے پی ٹی آئی رہنماؤں کے خلاف 26 نومبر کے احتجاج سے متعلق مقدمات کی سماعت کی ۔
عدالت نے تحریک انصاف کے سینئر رہنما شیخ وقاص اکرم کے وارنٹ گرفتاری جاری کر دیئے، عدالت نے پی ٹی آئی کے دیگر رہنماؤں عمر ایوب اور زرتاج گل کے پاسپورٹ بلاک کرنے کا حکم بھی دیا ۔
کیس کی سماعت انسداد دہشت گردی عدالت کے جج طاہر عباس سپرا نے کی، عدالت نے متعلقہ حکام کو ہدایت کی کہ دونوں رہنماؤں کے پاسپورٹ بلاک کر کے رپورٹ عدالت میں پیش کی جائے ۔
عدالت نے کیس کے تمام فریقین کو آئندہ سماعت کے لیے طلب کرتے ہوئے کیس کی مزید کارروائی 3 دسمبر تک ملتوی کر دی ۔
