خیبرپختونخوا کے قبائلی ضلع باجوڑ کی تحصیل خار کے کرکٹ گراؤنڈ میں میچ کے دوران بم دھماکہ ہوا ہے، پولیس کے مطابق دھماکے میں ایک شخص جاں بحق جبکہ ایک بچہ زخمی ہوا ہے ۔
باجوڑ: پولیس کے مطابق تحصیل خار کے علاقے میں کوثر کرکٹ گراؤنڈ میں میچ کے دوران بم دھماکہ ہوا جس کے نتیجے میں بھگڈر مچ گئی ۔
پولیس کے مطابق دھماکے میں ایک شخص جاں بحق جبکہ بچہ زخمی ہوا ہے، زخمی بچے کو طبی امداد جبکہ لاش کو ضابطے کی کارروائی کیلیے خار ہسپتال منتقل کردیا گیا ۔
پولیس حکام کا مزید کہنا تھا کہ جائے وقوعہ پر امدادی کارروائی جاری ہیں جبکہ شواہد اکھٹے کئے جا رہے ہیں ۔
