Latest Urdu news from Pakistan - Peshawar, Lahore, Islamabad

بلوچستان:سیکیورٹی فورسز نے ایک ماہ کے دوران 29 دہشت گرد ہلاک کر دئیے

 سیکیورٹی فورسز نے بلوچستان میں آپریشن  کیا جس کے نتجیے میں 29 دہشت گرد ہلاک ہوگئے ہیں۔

 سیکیورٹی فورسز نے ایک ماہ کے دوران بلوچستان کے ضلع ژوب کے علاقے سمبازہ میں آپریشن کے دوران انتیس دہشت گردوں کو ہلاک کیا ہے۔اعلامیہ کے مطابق پاک فوج کے شعبہ تعلقات عامہ (آئی ایس پی آر) کے مطابق افغان سرزمین سے پاکستان میں دہشت گردی کے واقعات میں اضافہ ہو رہا ہے، افغانستان سے دہشت گرد پاک افغان سرحد کے ذریعے دراندازی کی کوشش کر رہے ہیں، سیکورٹی فورسز کے ساتھ ساتھ بے گناہ معصوم شہریوں کو نشانہ بنایا جاتا ہے۔

آئی ایس پی آر نے بتایا ہے کہ سیکیورٹی فورسز نے اس صورتحال میں پاک افغان سرحد کے ساتھ دیگر علاقوں بالخصوص بلوچستان کے ضلع ژوب کے علاقے سمبازہ میں اکیس اپریل سے آپریشن شروع کیا، اور گذشتہ ایک ماہ میں ان آپریشنز کے دوران انتیس دہشت گردوں کو مار دیا گیا ہے۔

مزید آئی ایس پی آر نے بتایا ہے کہ چودہ مئی کو انٹیلی جنس بیسڈ آپریشن کے دوران میجر بابر خان بہادری سے لڑتے ہوئے شہید ہو گئے، سیکیورٹی فورسز ملکی سرحدوں کو محفوظ بنانے اور دہشت گردی جیسی لعنت کے خاتمے اور اپنے شہریوں کی حفاظت کو یقینی بنانے کے لئے ہمشیہ پرعزم رہتے ہیں۔

 

جواب چھوڑیں

آپ کا ای میل ایڈریس شائع نہیں کیا جائے گا.