Latest Urdu news from Pakistan - Peshawar, Lahore, Islamabad

کیسے آسمان پر 6 سیاروں کو ایک ساتھ دیکھ سکتے ہیں؟

آسمان پر 6 سیاروں کو ایک ساتھ دیکھنے کا آسان طریقہ سامنے آگیا ہے۔

نظام شمسی کے آدھے سے زیادہ سیارے کو آپ آسمان پر آسانی سے دیکھ سکتے ہیں۔دراصل بیشتر سیاروں کو دیکھنے کے لیے ٹیلی اسکوپ یا دوربین کی بھی ضرورت نہیں ہوگی۔3 جون کو علی الصبح سورج طلوع ہونے سے پہلے عطارد، مریخ، مشتری، زحل، یورینس اور نیپچون کو دیکھنا ممکن ہوگا۔

درحقیقت عطارد، مریخ، مشتری اور زحل کو دوربین کے بغیر دیکھنا ممکن ہوگا۔جبکہ اس کے برعکس یورینس (عطارد کے قریب) اور نیپچون (زحل کے قریب) کو دیکھنے کے لیے دوربین یا ٹیلی اسکوپ کی ضرورت ہوگی۔

یہ تمام سیارے لگ بھگ ایک سیدھی لکیر میں نظر آئیں گے اور اس کے لیے پلانیٹ پریڈ کی اصطلاح استعمال کی جاتی ہے۔یہ نظارہ دنیا بھر میں کرنا ممکن ہوگا۔ہر چند سال کے بعد سیاروں کو اس طرح اکٹھے دیکھنے کا موقع ملتا ہے مگر ایک سیدھی لائن میں ان سیاروں کو دیکھنے کا امکان بہت کم ہوتا ہے۔

اس سے قبل ایسا مارچ 2023 میں ہوا تھا اور اس موقع پر عطارد، زہرہ، مریخ، مشتری اور یورینس کو دیکھا گیا تھا۔ماہرین کے مطابق اس لکیر میں وینس بھی موجود ہوگا مگر اسے دیکھنا ممکن نہیں ہوگا کیونکہ وہ اس وقت سورج کے برابر میں ہوگا۔6 سیاروں کی یہ قطار ایک ہفتے تک ہر صبح کو نظر آئے گی۔

جواب چھوڑیں

آپ کا ای میل ایڈریس شائع نہیں کیا جائے گا.