بنوں کے علاقے بکاخیل میں سوئی ناردرن گیس کمپنی کے چار ملازمین کو ان کی گاڑی سمیت اغوا کر لیا گیا ہے۔
ذرائع کے مطابق اغوا کاروں نے گیس کمپنی کے مغوی ملازمین کی ویڈیو جاری کر دی ہے۔مسلح افراد نے ایس این جی پی ایل کے ملازمین کو اغوا کر لیا، جو گزشتہ روز اپنی گاڑی میں ڈیزل لوڈ کرنے کے بعد سیدگئی جا رہے تھے۔اغوا کاروں نے یرغمالیوں کی ویڈیو جاری کر دی ہے۔ جس میں وہ بول رہے ہیں کہ میں عنایت اور سلیم گاڑی میں ڈیزل لوڈ کر کے سیدگئی جا رہے تھے کہ مسلح افراد نے ہمیں اغوا کر لیا۔ "ہماری آنکھوں پر پٹی باندھی گئی تھی، اور وہ ہمیں اپنے ساتھ لے آئے ہیں۔ہمیں نہیں معلوم، یہ کون سا علاقہ اور جگہ ہے۔ ہم حکومت سے درخواست کرتے ہیں کہ وہ ان کے مطالبات کو تسلیم کرے تاکہ ہمیں ان سے آزادی ملے۔
