ٹی ٹوئنٹی ورلڈکپ کے گروپ بی میں زمبابوے نے بڑا اَپ سیٹ کرتے ہوئے سابق ورلڈ چیمپئن آسٹریلیا کو 23 رنز سے شکست دیدی، زمبابوے کے 170 رنز ہدف کے تعاقب میں آسٹریلیا کی پوری ٹیم 146 رنز پر آوٹ ہو گئی، شاندار بولنگ پر بلسنگ مزاربانی کو میچ کا بہترین کھلاڑی قرار دیا گیا ۔
کولمبو میں کھیلے گئے ٹی ورلڈ کپ کے 19 ویں میچ میں زمبابوے نے پہلے بیٹنگ کرتے ہوئے 169 رنز سکور کیے اور آسٹریلیا کو جیت کے لیے 170 رنز کا ہدف دیا ۔
170 رنز ہدف کے تعاقب میں آسٹریلیا کی ٹیم 20 ویں اوور میں 146 رنز بنا کر آؤٹ ہو گئی اور اس طرح زمبابوے نے 23 رنز سے کامیابی حاصل کر لی ۔
زمبابوے نے پہلے بیٹنگ کرتے ہوئے مقررہ 20 اوورز میں 2 وکٹوں کے نقصان پر 169 رنز بنائے، برین بینیٹ نے 64 رنز کی شاندار اننگز کھیلی جبکہ تادیونشے مرومانی اور ریان برل نے 35، 35 رنز کی اننگز کھیلی، کپتان سکندر رضا نے بھی 25 رنز سکور کئے ۔
آسٹریلیا کی جانب سے میٹ رنشا کے علاوہ کوئی بھی کھلاڑی زمبابوے کے بولرز کا مقابلہ نہ کر سکا اور پوری ٹیم 146 رنز پر آؤٹ ہوگئی، رنشا نے 65 رنز کی اننگز کھیلی جبکہ گلین میکسویل نے 31 رنز بنائے ۔
زمبابوے کی جانب سے شاندار بولنگ پر بلیسنگ مزاربانی کو میچ کا بہترین کھلاڑی قرار دیا گیا، انہوں نے 4 قیمتیں وکٹیں حاصل کیں ۔
