پشاور میں بم ناکارہ بنانے کے دوران پھٹ گیا، بی ڈی یو اہلکار شہید

پشاور کے علاقے حسن خیل میں بم ناکارہ بنانے کے دوران دھماکے سے بم ڈسپوزل یونٹ اہلکارشہید ہوگیا، پولیس حکام نے واقعہ کی رپورٹ طلب کرلی، پولیس کے مطابق شہید اہلکار کی شناخت خائستہ رحمان کے نام سے ہوئی ۔

پشاور: ابتدائی اطلاعات کے مطابق تھانہ حسن خیل کی حدود فقیری بنڑ میں بارودی مواد کو ناکارہ بناتے ہوئے آئی ای ڈی دھماکے کے نتیجے میں بم ڈسپوزل يونٹ کا بہادر اور فرض شناس اہلکار خائستہ رحمان شہید ہوگیا ۔

شہید اہلکار نے اپنی جان کی پروا کیے بغیر عوام کے جان و مال کے تحفظ کیلئے انتہائی بہادری اور پیشہ ورانہ مہارت کا مظاہرہ کرتے ہوئے بارودی مواد کو ناکارہ بنانے کے دوران یہ افسوسناک واقعہ پیش آیا ۔