اسلام آباد سے لاہور جانے والی مسافر بس کو چکوال میں حادثہ پیش آیا یے جس کے نتیجے میں 9 مسافر جاں بحق اور 30 زخمی شدید ہو گئے ۔
اسلام آباد: ریسکیو حکام کا کہنا ہے کہ مسافر بس کو حادثہ موٹر وے پر ڈھوک سیال کے قریب پیش آیا اور بس بے قابو ہو کر کھائی میں جا گری ۔
ریسکیو حکام کے مطابق حادثے میں 6 افراد جاں بحق اور 32 زخمی ہوئے، زخمیوں کو ٹراما سینٹر کلر کہار اور ڈی ایچ کیو ہسپتال منتقل کیا گیا ۔
زخمیوں میں 3 مزید مسافر ہسپتال میں دم توڑ گئے جس کے بعد حادثہ میں جاں بحق مسافروں کی مجموعی تعداد 9 ہو گئی ۔
ترجمان موٹروے پولیس نے حادثے سے متعلق بتایا ہے کہ حادثہ کا شکار ہونے والی بس اسلام آباد سے لاہور جا رہی تھی، حادثہ بس ڈرائیور کی غفلت اور لاپرواہی کے باعث پیش آیا ۔
