چیمپئنز ٹرافی 2025کی میزبانی کا معاملہ۔آئی سی سی وفد داسٹیدیمزکا جائزہ لینے کیلئے پاکستان پہنچ گیا
آئی سی سی کے 3رکنی وفد نے نیشنل بینک اسٹیڈیم کراچی کا دورہ کیا اور سیکورٹی انتظامات کا جائزہ لیا۔ پی سی بی حکام نے وفد کو مختلف امور پر بریفنگ دی۔ پاکستان فروری 2025میں شیڈول آئی سی سی چیمپئنز ٹرافی کی میزبانی کرے گا۔آئی سی سی ہیڈآف ایونٹس کرس ٹیٹلی کی قیادت میں وفد کے دوسرے ارکان میں سینئر مینجر ایونٹ آپریشن سارہ ایگر اور ایونٹ آپریشن مینجر عون محمد زیدی شامل ہیں۔ کراچی اسٹیڈیم کا معائنہ کرنے کے بعد وفد کی سکیورٹی فراہم کرنیو الے اداروں کے اہکاروں سے ملاقاتیں بھی شیڈول ہیں۔آئی سی سی وفد ایک روز کراچی میں قیام کے بعد کل لاہور پہنچے گا۔
وفد لاہور میں قذافی اسٹیڈیم اور سیف سٹی اتھارٹی کا بھی دورہ کرے گا۔لاہور کے دورے کے بعد آئی سی سی وفد کا آخری پڑاؤ راولپنڈی ہوگا جہاں 27مارچ کو وفد راولپنڈی کرکٹ اسٹیڈیم کا دورہ کرے گا۔ذرائع کے مطابق وفد بدھ کو پنڈی اسٹیڈیم کے معائنے کے بعد پی سی بی کے سربراہ اور وزیر داخلہ محسن نقوی سے ملاقات کرے گا ۔ کراچی، لاہور اور پنڈی میں انتظامات اور پی سی بی آفیشلز سے ملاقاتوں کے بعد وفد اپنی رپورٹ تیار کرکے ممبر ممالک سے شیئر کرے گا۔
