نیشنل ووکیشنل اینڈ ٹیکنیکل ٹریننگ کمیشن یعنی نیوٹیک اسلام آباد میں مائننگ کورس کا باقاعدہ آغاز ہوگیا ہے، ریکوڈک مائننگ کمپنی بلوچستان کے 18 گریجویٹس تربیتی کورس میں حصہ لے رہے ہیں ۔
یہ گریجویٹس نیوٹیک میں دو ماہ کا کورس مکمل کرکے بیرک کی بین الاقوامی مائنز میں 18 ماہ کی آن جاب تربیت حاصل کریں گے ۔
نیوٹیک کے تربیتی کورس کے دوران ان گریجویٹس کو مائننگ اور اس سے جڑے تکنیکی علوم سکھائے جائیں گے،منتخب گریجویٹس کو جیالوجی، ایکسپلوریشن، سیفٹی اور ماحولیاتی تحفظ کی تربیت بھی دی جائے گی ۔
تربیت کے دوران گریجویٹس کو مائننگ کے شعبے میں ہونے والے جدت اور کمیونیکیشن اسکلز بھی سکھائے جائیں گے ۔
بلوچستان کے ان گریجویٹس کا انتخاب بیرک کے انٹرنیشنل گریجویٹ ڈیویلپمنٹ پروگرام کے 2024 کے تحت کیا گیا ،2023 میں بھی بلوچستان سے 9 گریجویٹس منتخب کرکے انھیں بیرک کی ارجنٹینا میں واقع سائٹ میں آن جاب ٹریننگ پر بھیجا گیا تھا۔
