عوام کو بہتر طبی سہولیات کی فراہمی اور ڈاکٹروں کے مسائل کے حل کے لیے مل کر کام کرنے پر اتفاق
ڈپٹی کمشنر بونیر محمد انوار الحق سے پراونشل ڈاکٹرز ایسوسی ایشن (پی ڈی اے) کے اعلیٰ سطحی وفد نے اہم ملاقات کی، جس میں ضلع بونیر میں صحت کی سہولیات کی بہتری اور ڈاکٹروں کو درپیش درپیش درپیش مسائل پر تفصیلی تبادلہ خیال کیا گیا۔
ملاقات کرنے والے وفد کی قیادت پراونشل ڈاکٹرز ایسوسی ایشن کے صوبائی صدر ڈاکٹر امیر تاج خان نے کی۔ وفد میں ضلعی صدر ڈاکٹر قادر خان، جنرل سیکرٹری ڈاکٹر جاوید خان سمیت کابینہ کے دیگر اراکین ڈاکٹر محمد ایاز خان اور ڈاکٹر فضل وہاب بھی شامل تھے۔
ملاقات کے دوران ضلع بونیر کے سرکاری ہسپتالوں میں طبی سہولیات کے معیار کو بلند کرنے، درپیش چیلنجز اور شعبہ صحت سے جڑے باہمی دلچسپی کے امور پر سیر حاصل گفتگو کی گئی۔
اس موقع پر گفتگو کرتے ہوئے ڈپٹی کمشنر بونیر محمد انوار الحق نے کہا کہ عوام کو معیاری طبی سہولیات کی فراہمی ضلع انتظامیہ کی اولین ترجیحات میں شامل ہے۔ انہوں نے پی ڈی اے کے وفد کو صحت کے شعبے میں بہتری، ہسپتالوں کے مسائل اور ڈاکٹروں کو درپیش درپیش چیلنجز کے فوری اور پائیدار حل کے لیے اپنے مکمل اور بھرپور تعاون کی یقین دہانی کرائی۔
پراونشل ڈاکٹرز ایسوسی ایشن کے عہدیداروں نے ڈپٹی کمشنر کے مثبت رویے کا خیرمقدم کرتے ہوئے اس عزم کا اعادہ کیا کہ پی ڈی اے بونیر کے عوام کی بہتر طبی دیکھ بھال اور ضلع میں شعبۂ صحت کی ترقی کے لیے اپنا فعال اور مثبت کردار مسلسل ادا کرتی رہے گی۔
