Latest Urdu news from Pakistan - Peshawar, Lahore, Islamabad

ڈیرہ اسماعیل خان: پولیس چیک پوسٹ پر دہشت گردوں کا حملہ ناکام بنادیا گیا، پولیس کی بھرپور جوابی کارروائی

 ضلع ڈیرہ اسماعیل خان میں پاکستان کی بہادر سیکیورٹی فورسز نے چنڈا چیک پوسٹ پر ملعون دہشت گردوں کا حملہ ناکام بنادیا۔ بھرپور جوابی کارروائی پر دہشت گرد فرار ہو گئے۔

تفصیلات کے مطابق رات گئے ڈیرہ اسماعیل خان کی چنڈا چیک پوسٹ پر دہشتگردوں نے حملہ کر دیا مگر چاکو و چوبندپولیس فورس نے دہشت گردوں کو حملہ کرنے سے پہلے ہی پسپا ہونے پر مجبور کر دیا۔ پولیس کی بروقت اور بھرپور جوابی کارروائی سے دہشت گرد فرار ہوگئے۔ پولیس کے مطابق فائرنگ کا تبادلہ بھی ہوا تاہم کوئی جانی نقصان نہیں ہوا۔

ڈی آئی خان چونڈا چیک پوسٹ پر حملے کی سی سی ٹی وی فوٹیج میں پولیس کی جوابی فائرنگ سے متعدد دہشتگردوں کو فرارہوتے دیکھا جا سکتا ہے۔

یاد رہے کہ 12 دسمبر کو ضلع ڈیرہ اسمٰعیل خان میں سیکیورٹی فورسز کی مختلف کارروائیوں میں 27 دہشت گردوں کو ہلاک کر دیا گیا جبکہ درابن میں چوکی پر خودکش حملے کے نتیجے میں عمارت تباہ ہو گئی اور 25 بہادر جوانوں نے جام شہادت نوش کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.