ڈیرہ اسماعیل خان کے علاقے دوماندہ پل کےقریب سے نجی کمپنی کے 11ملازمین کو اغوا کرلیا گیا، سی ٹی ڈی کے مطابق 6 مغویوں کو بازیاب کرالیا گیا جبکہ دیگر کی بازیابی کیلئے کارروائی جاری ہے ۔
سی ٹی ڈی کی جانب سے جاری ایک بیان کے مطابق 3 گاڑیوں میں نجی کمپنی کے ملازمین اسلام آباد سے کوئٹہ جارہے تھے ۔
سی ٹی ڈی کا کہنا ہے کہ نجی کمپنی کے ملازمین کو دو ماندہ پل کے قریب سے اغوا کیا گیا ۔
سی ٹی ڈی پولیس کا کہنا ہے کہ ملزمان کا تعاقب کرکے6 ملازمین کو بازیاب کرا لیا گیا ہے جبکہ دیگر 5 مغویوں سمیت ملزمان کی تلاش جاری ہے ۔
