انجینئر محمد شاہد نذیر کو نیشنل گرڈ کمپنی آف پاکستان کا منیجنگ ڈائریکٹر مقرر کر دیا گیا،نیشنل گرڈ کمپنی آف پاکستان (سابقہ این ٹی ڈی سی) کے بورڈ آف ڈائریکٹرز نے تقرری کی منظوری دیدی ۔
بطور ایم ڈی انجنئیر شاہد نذیر کی تقرری کا نوٹیفیکیشن جاری کردیا گیا،انجینئر شاہد نذیر اس سے پہلے جنرل منیجر پراجیکٹ ڈیلیوری (نارتھ) کی ذمہ داریاں سرانجام دے رہے تھے ۔
انجینئر شاہد نذیر نے پاکستان میں پاور ٹرانسمیشن کے متعددقومی منصوبوں کو مکمل کرنے میں اہم کردار ادا کیا،انہوں نے لاہور ٹرانسمیشن لائن کے پراجیکٹ ڈائریکٹر کے طور پر کام کیا ۔
انجینئر شاہد نذیر نے ڈیپوٹیشن پر بیرون ملک بھی خدمات سر انجام دیں،موجودہ منیجنگ ڈائریکٹر انجینئر محمد وسیم یونس آج اپنی مدت ملازمت مکمل ہونے پر ریٹائر ہو گئے ۔
سابق ایم ڈی انجنئیر وسیم یونس کی آخری روز افسران اور ملازمین سےملاقات، نیک خواہشات کا اظہار کیا ۔
انجینئر شاہد نذیر مستقل ایم ڈی این جی سی کی تقرری ہونے تک یہ ذمہ داریاں سرانجام دیں گے ۔
انجینئر شاہد نذیر کا کہنا ہے کہ بورڈ آف ڈائریکٹرز نے جس اعتماد کا اظہار کیا اس پر پورا اترنے کی کوشش کروں گا ۔
