کراچی کے علاقے گلشن اقبال میں ایک رہائشی عمارت کے فلیٹ میں گیس لیکج کے باعث زور دار دھماکہ ہوا ہے جس میں 6 افراد شدید زخمی ہو گئے ۔
کراچی: پولیس حکام نے بتایا کہ گلشن اقبال میں ایک رہائشی عمارت کے اندر گیس لیکج کے باعث دھماکہ ہوا ، دھماکے کے نتیجے میں عمارت کی پہلی منزل پر واقع فلیٹ میں آگ لگ گئی ۔
پولیس حکام کا مزید کہنا ہے کہ حادثے کی اطلاع ملتے ہی فائر بریگیڈ کے اہلکار موقع پر پہنچ گئی اور آگ پر فوری قابو پایا ۔
پولیس کا مزید کہنا تھا کہ اس واقعے میں خاتون اور بچوں سمیت 6 افراد زخمی ہوئے جنہیں سول برنس وارڈ منتقل کردیا گیا ہے، پولیس نے واقعے کی زمزید تفتیش شروع کردی ۔
