ڈسٹرکٹ پولیس آفیسر صوابی کے مطابق پیسکو اہلکار مانیری پایاں کے علاقے میں ڈیوٹی ختم کرکے واپس جا رہے تھے کے راستے میں نامعلوم موٹر سائیکل سوار وں نے ان پر فائرنگ کردی ۔
انھوں نے کہا کہ ملزمان کی فائرنگ سے پیسکو کا ایک اہلکار جاں بحق جبکہ ایک اہلکار ایک راہگیر زخمی ہوگئے ۔
پولیس کے مطابق جاں بحق اہلکار کی شناخت کامران، زخمی حسن محمد او راہگیر زخمی کی شناخت نعمان کے نام سے ہوئی ہے۔زخمیوں کو ہسپتال منتقل کردیا گیا ہے ۔
ان کا کہنا تھا کہ فائرنگ کے واقعے کے بعد پولیس نے علاقے میں سرچ آپریشن کیا ۔
ڈی پی او صوابی کا میزد کہنا تھا کہ ملزمان جلد قانون کی گرفت میں ہوں گے۔
دوسری جانب پیسکو صوابی نے احتجاج کے طور پر مانیری میں بجلی کی فراہمی معطل کردی۔
پیسکو صوابی کا کہنا ہے کہ ملزمان کی گرفتاری تک علاقے کی بجلی معطل رہے گی۔
