پولیس کے مطابق بلوچستان کے ضلع ڈیرہ بگٹی کے علاقے سوئی میں پولیس گاڑی پر دہشتگردوں نے دستی بم حملہ کیا ہے ۔
پولیس حکام کا کہنا ہے کہ دستی بم کے حملے میں 2 پولیس اہلکار شہید جبکہ ایک زخمی ہوگیا ۔
پولیس حکام کے مطابق ڈیرہ بگٹی کے علاقے سوئی کی طوطا کالونی میں نامعلوم افراد نے گشت پر مامور پولیس موبائل پر دستی بم پھینکا جو زور دار دھماکے سے پھٹ گیا ۔
دھماکے کے نتیجے میں شہید پولیس اہلکاروں کی شناخت نصر الدین اور رحیم علی جبکہ زخمی اہلکار کی شناخت سب انسپکٹر انور کے ناموں سے ہوئی ہے ۔
پولیس کا مزید کہنا تھا کہ حملے میں زخمی اہلکار کو طبی امداد کیلئے سوئی کے ہسپتال منتقل کردیا گیا ہے ۔
