وفاقی حکومت نے حج 2026 کی رجسٹریشن کی آخری تاریخ میں دو دن کی توسیع کر دی، آن لائن پورٹل پر حج رجسٹریشن 11 جولائی تک جاری رہے گی ۔
اسلام آباد: حج 2026 کی رجسٹریشن کی آخری تاریخ میں دو دن کی توسیع کر دی گئی، توسیع کے بعد نامزد بینکوں اور وزارت کے آن لائن پورٹل پر حج رجسٹریشن 11 جولائی تک جاری رہے گی ۔
وفاقی حکومت کی جانب سے عازمینِ حج کی درخواست پر رجسٹریشن کا عمل جمعہ 11 جولائی تک جاری رکھنے کا فیصلہ کیا گیا ہے ۔
اب تک 3 لاکھ 13 ہزار افراد نے حج 2026 کی رجسٹریشن مکمل کی ہے، حج 2026 کے اخراجات اور دیگر شرائط و ضوابط حج پالیسی کے مطابق الگ سے جاری کیے جائیں گے ۔
