صحت کارڈ اور رمضان پیکج،وزیراعلی خیبرپختونخوا کا اجلاس طلب

صحت کارڈ اور رمضان پیکج کے حوالے سے وزیراعلی خیبرپختونخوا نے اجلاس طلب کر لیا ہے

وزیراعلیٰ خیبرپختونخوا علی امین گنڈاپور نے رمضان پیکج ، صحت کارڈ اور اشیائے خوردونوش کی قیمتوں کے حوالے سے اجلاس طلب کر لیا ہے۔اجلاس میں اعلامیہ کے مطابق حتمی شکل رمضان پیکج کو دی جائے گی جبکہ اشیائے خوردونوش کی قیمتوں کو کنٹرول کرنے کے لئے بھی لائحہ عمل تیار کیا جائے گا۔واضح رہے کہ چیف سیکرٹری اور آئی جی پی کے علاوہ اجلاس میں متعلقہ افسران بھی شرکت کرین گے۔اعلامیہ کےمطابق دوسرا اجلاس وزیر اعلیٰ کی زیر صدارت صحت کارڈ سکیم کے حوالے سے ہوگا۔ اجلاس میں صحت کارڈ سکیم دوبارہ شروع کرنے سے متعلق امور پر غور و خوص کیا جائے گا۔