ویمن ٹی ٹوئنٹی ایشیا کپ میں بھارتی ویمن کرکٹ ٹیم نے پاکستان ویمن کو 7 وکٹوں سے ہرادیا، پاکستان کا 56 رنز کا ہدف بھارتی ٹیم نے 3 وکٹ کے نقصان پر 9ویں اوور میں بآسانی پورا کرکے کامیابی حاصل کی ۔
دبئی میں کھیلے گئے ویمنز ایشا ٹی ٹوینٹی کپ کے اہم میچ میں پاکستان نے ٹاس جیت کر بیٹنگ کا فیصلہ کیا، پاکستان کی پہلی وکٹ 27 رنز پر گری، شوال 14 اور منیبہ نے13 رنز بنائے ۔
اس کے بعد پاکستان کی 9 بیٹرز اسکور پر میں 28 رنز کا اضافہ کرسکیں اور گرین شرٹس 18.1 اوورز میں 55 رنز بناکر آؤٹ ہوگئی ۔
یہ ٹی ٹوئنٹی انٹرنیشنل میں پاکستان ویمن کا کم ترین سکور ہے، شری چرانی اور پریما روات نے تین، تین اور وکٹیں حاصل کیں، بھارت نے 56 رنز کا ہدف بآسانی 9 ویں اوور میں حاصل کرلیا اور گرین شرٹس کو 7 وکٹوں سے شکست دی ۔
