ٹی ٹوئنٹی ورلڈ کپ فائنل میں بھارت نے نیوزی لینڈ کو 96 رنز سے شکست دے کر ٹائٹل کا کامیاب دفاع کر لیا۔ بھارتی ٹیم ہوم گراؤنڈ پر ٹی ٹوئنٹی ورلڈ کپ جیتنے والی پہلی ٹیم بن گئی، نیوزی لینڈ کی ٹیم 256 رنز کےتعاقب میں 19 اوورز میں 159 رنز بنا کر آؤٹ ہوگئی ۔
احمد آباد میں کھیلے گئے فائنل میں نیوزی لینڈ نے ٹاس جیت کر پہلے فیلڈنگ کا فیصلہ کیا جو بہتر ثابت نہ ہو سکا ، نیوزی لینڈ کی ٹیم 256 رنز کےتعاقب میں 19 اوورز میں 159 رنز بنا کر آؤٹ ہوگئی اور 96 رنز سے میچ اور ٹرافی ہار گئی ۔
کیویز کی جانب سے ٹِم سائیفرٹ 52 رنز بنا کر نمایاں رہے، کپتان مچل سینٹنر 43، ڈیرل مچل 17، فِن ایلن 9، جیمز نیشم 8، گلن فلپس 5، جیکب ڈفی 3، مارک چیمپین 3، رچِن رویندرا 1 اور میٹ ہینری بغیر کوئی رن بنائے آؤٹ ہوئے ۔
بھارت کی جانب سے جسپرٹ بومراہ نے 4 اور اکشر پٹیل نے 3 کھلاڑیوں کو آؤٹ کیا، ابھیشیک شرما، ہاردیک پانڈیا اور ورون چکرورتی نے 1، 1 وکٹ حاصل کی ۔
اس سے قبل نیوزی لینڈ کی دعوت پر پہلے بیٹنگ کرتے ہوئے بھارت نے مقررہ اوورز میں 5 وکٹوں کے نقصان پر 255 رنز بنائے جو ٹی ٹوینٹی ورلڈ کپ فائنل کا سب سے بڑا سکور ہے ۔
بھارت کی جانب سے سنجو سیمسن 89 رنز بنا کر نمایاں رہے،ایشان کشن 54، ابھیشیک شرما 52، ہاردک پانڈیا 18 ،شِیوام دوبے 26 اور تِلک ورما 8 رنز بنا کرناٹ آؤٹ پویلین لوٹے ۔
نیوزی لینڈ کی جانب سے جیمز نیشم نے 3 کھلاڑیوں کو آؤٹ کیا، رچِن رویندرا نے 1 وکٹ حاصل کی، جسپرٹ بومرا فائنل میچ اور سنجو سیمسن ایونٹ کے بہترین کھلاڑی قرار دیئے گئے ۔
