بنگلا دیش کے ساتھ تین ون ڈے میچز پر مشتمل سیریز کے لیے قومی کرکٹ ٹیم کراچی سے ڈھاکا پہنچ گئی، دونوں ٹیموں کے درمیان پہلا ون ڈے 11 ، دوسرا 13 کو جبکہ تیسرا اور آخری ایک روزہ میچ 15 مارچ کو کھیلا جائے گا ۔
ڈھاکہ: پاکستان کرکٹ ٹیم بنگلہ دیش کے خلاف ون ڈے سیریز کیلئے بنگلہ دیش پہنچ گئی جہاں پاکستان کرکٹ ٹیم کا پرتپاک استقبال کیا گیا، قومی کھلاڑیوں کو پھولوں کے گلدستے پیش کیے گئے ۔
پاکستان اور بنگلا دیش کے درمیان ون ڈے سیریز کے تینوں میچز ڈھاکہ کے شیر بنگلہ نیشنل کرکٹ سٹیڈیم میں کھیلے جائیں گے ۔
دونوں ٹیموں کے درمیان پہلا ون ڈے 11 مارچ، دوسرا 13 مارچ جبکہ تیسرا اور آخری میچ 15 مارچ کو ہوگا ۔
سیریز کے لیے قومی ٹیم کے کھلاڑی اور آفیشلز کراچی سے بنگلا دیش روانہ ہوئے، جہاں دونوں ٹیموں کے درمیان دلچسپ مقابلوں کی توقع ہے ۔
