اسلام آباد مفاہمتی یادداشت پر دستخط کے تسلسل میں ایران اور امریکہ کے درمیان آج برگن سٹاک، سوئٹزرلینڈ میں تکنیکی سطح کے مذاکرات منعقد ہو رہے ہیں ۔
وزیراعظم آفس سے جاری اعلامیے کے مطابق وزیراعظم شہباز شریف اور چیف آف ڈیفنس فورسز فیلڈ مارشل سید عاصم منیر ان مذاکرات میں شرکت کریں گے جس کیلئے وزیراعظم اعلیٰ سطح وفد کے ہمراہ ہمراہ برگن سٹاک پہنچ چکے ہیں ۔
دوسری جانب امریکہ کے نائب صدر جے ڈی وینس بھی امریکی وفد کے ہمراہ ایران سے مذاکرات کے لیے سوئٹزر لینڈ پہنچ گئے ہیں ۔
اس موقع پر جے ڈی وینس نے کہا کہ سوئٹزر لینڈ میں ایک یا دو دن قیام کا امکان ہے، دورے کا مقصد ایران کیساتھ جوہری مسئلے پر پیشرفت اور لبنان جنگ بندی معاملے پر آگے بڑھنا ہے ۔
رپورٹ کے مطابق ٹرمپ کے خصوصی مندوب سٹیو وٹکوف اور داماد جیرڈ کشنر پہلے ہی سوئٹزر لینڈ میں موجود ہیں جبکہ قطری نمائندے بھی مذاکرات میں شریک ہیں ۔
دریں اثنا وزیراعظم شہباز شریف اور فیلڈ مارشل عاصم منیر امریکہ نے امریکی نائب صدر جے ڈی وینس سے ملاقات بھی کی ہے ۔
امریکی نائب صدر جے ڈی وینس کے ساتھ وفد میں جیرڈ کشنر اور سٹیو وٹکوف بھی موجود تھے جنہوں نے وزیراعظم پاکستان سے ملاقات کی ۔
