ویمنز ٹی ٹوئنٹی ورلڈ کپ میں پاکستان ٹیم کو مسلسل تیسری شکست کا سامنا کرنا پڑا اور بنگلا دیش نے قومی ٹیم کو 23 رنز سے ہرادیا، 124 رنز ہدف کے تعاقب میں پاکستان ویمنز ٹیم مقررہ اوورز میں 100 رنز بنا سکی ۔
ساؤتھمپٹن میں کھیلے گئے ویمنز ٹی ٹوینٹی ورلڈ کے 15 ویں میچ میں بنگلا دیش نے ٹاس جیت کر پہلے بیٹنگ کا فیصلہ کیا، اور مقررہ اوورز میں 6 وکٹ کے نقصان پر 123 رنز بنائے ۔
بنگلہ دیش کی جانب سے نگار سلطانہ اور سبحانہ مشتری 22، نگار سلطانہ نے 36 جبکہ شورنا اختر نے 39 رنز بناکر ٹیم کا سکور 123 تک پہنچایا ۔
پاکستان کی جانب سے فاطمہ ثنا 2، سعدیہ اقبال، تسمیہ رباب، نشریٰ سندھو اور طوبیٰ حسن نے ایک، ایک کھلاڑی کو آوٹ کیا ۔
منیبہ علی اور گل فیروزہ نے 49 رنز کا شاندار آغاز فراہم کیا تاہم گل فیروزہ 23 اور منیبہ 25 رنز بناکر پویلین لوٹ گئیں اور اس کے بعد صرف 14 رنز پر 6 وکٹیں گریں ۔
پاکستان ٹیم 20 اوورز میں 8 وکٹ پر 100 رنز ہی بناسکی اور یوں اسے 23 رنز سے شکست کا سامنا کرنا پڑا، جس کے ساتھ ہی قومی ٹیم کو جاری میگا ایونٹ میں مسلسل تیسری شکست کا سامنا کرنا پڑا ۔
بنگلا دیش کی ناہیدہ اختر اور سنجیدہ اختر نے تین، تین وکٹیں حاصل کیں، شاندار 39 رنز کی اننگز کھیلنے پر شورنا اختر میچ کی بہترین کھلاڑی قرار پائیں ۔
