ایرانی پارلیمنٹ کے اسپیکر باقر قالیباف نے خبردار کیا ہے کہ اگر کسی بھی معاہدے کی خلاف ورزی کی گئی یا اس میں غیر ضروری شرائط شامل کرنے کی کوشش کی گئی تو ایران کی جانب سے سخت ردعمل سامنے آئے گا۔
باقر قالیباف نے یہ بیان سوشل میڈیا پلیٹ فارم ایکس پر جاری کیا، جس میں انہوں نے کہا کہ ایران کی اعلیٰ قیادت نے معاہدے کے تمام نکات پر مکمل عملدرآمد کی ذمہ داری سونپی ہے اور اس حوالے سے کسی قسم کی وعدہ خلافی برداشت نہیں کی جائے گی۔
انہوں نے کہا کہ اگر مخالف فریق اپنی ذمہ داریوں سے پیچھے ہٹا یا معاہدے کی شرائط کی خلاف ورزی کی گئی تو ایران بھرپور اور سخت جواب دے گا۔
ایرانی پارلیمنٹ کے اسپیکر نے مزید کہا کہ مخالف فریق کی جانب سے بد نیتی، معاہدے کی خلاف ورزی یا غیر ضروری مطالبات سامنے آنے کی صورت میں ایران جواب دینے سے گریز نہیں کرے گا اور اپنے قومی مفادات کے تحفظ کے لیے ہر ضروری اقدام اٹھائے گا۔
