اسلام آباد: امریکی ناظم الامور نیٹلی اے بیکر نے نائب وزیراعظم و وزیر خارجہ سینیٹر محمد اسحاق ڈار سے ملاقات کی ہے۔
ملاقات کے دوران خطے کی بدلتی ہوئی صورتحال اور پاکستان و امریکہ کے دوطرفہ تعلقات پر تبادلہ خیال کیا گیا۔
ترجمان دفتر خارجہ کے مطابق ملاقات کے دوران نائب وزیراعظم و وزیر خارجہ نے امریکہ اور ایران کے درمیان رابطوں کو آسان بنانے میں پاکستان کے کردار کو اجاگر کیا.
ملاقات میں امید ظاہر کی گئی کہ جاری سفارتی کوششیں خطے اور دنیا میں امن و استحکام کے فروغ میں مددگار ثابت ہوں گی۔
اسحاق ڈار نے سنگاپور کے ذریعے پاکستانی اور ایرانی بحری جہازوں کے عملے کی وطن واپسی میں امریکہ کی جانب سے جاری تعاون کو بھی سراہا۔
