جیکی شروف نے سیلفی لینےوالےمداح کو تھپڑ ماردیا ہے
بھارت کے سینیئر اداکار جیکی شروف نے سیلفی لینے والے مداح کے سر پر تھپڑ دےمار جس کی ویڈیو سوشل میڈیا پر وائرل ہوگئی ہے۔حال ہی میں بھارتی میڈیا کے مطابق جیکی شروف نے ممبئی میں مداحوں سے ملاقات کی، منفرد لباس میں ملبوس سینیئر اداکار نے پودوں کے گملے بھی ہاتھ میں اُٹھائے ہوئے تھے۔وائرل ویڈیو میں دیکھا جاسکتا ہے کہ جیکی شروف نے اُن کے ساتھ تصویر بنوانے والے ایک مداح کو مزاحیہ انداز میں کہا کہ مجھے کمر کے پاس سے نہیں پکڑو بلکہ میرے کندھے پر ہاتھ رکھ کر تصویر بنالو۔
اس کے بعد ایک اور مداح جیکی شروف کے ساتھ سیلفی لینے کے لیے آگے بڑھا تو مداح کے سر پر اداکار نے تھپڑ مارا اور پہلے مداح کو ایک طرف کیا اور پھر اُس کے ساتھ سیلفی لی۔ جیسے ہی یہ ویڈیو سوشل میڈیا پر وائرل ہوئی تو مداحوں نے جیکی شروف کے اس عمل پر شدید غصے کا اظہار کرتے ہوئے کہا کہ اداکار کیا پاگل ہیں؟ جو مداح کو مار رہے ہیں۔اس پر ایک مداح نے کہا کہ تصور کریں کہ اگر وہ مداح بھی پلٹ کر جیکی شروف کو تھپڑ مار دیتا تو جیکی شروف کیا کرتے، دیگر مداحوں نے کہا کہ یہ غلط ہے، کسی کو آپ نہیں مار سکتے ہیں، وہ آپ کا رشتہ دار یا دوست نہیں ہے جس کو آپ تھپڑ مار کر اس کو مذاق مستی کا نام دے رہے ہیں۔
