پشاور (شوبز ڈیسک): آل فنکار ایسوسی ایشن خیبرپختونخوا مسلم لیگ ن کلچرل ونگ کی صوبائی صدر سعیدہ خان کے مطابق، خیبرپختونخوا کے وہ فنکار جنہوں نے سرکاری سطح پر خود کو رجسٹرڈ کروانے کے لیے فارم جمع کرائے تھے، انہیں متعلقہ سرکاری محکمہ کے ذمہ داران کے پاس جمع کرا دیا گیا ہے۔
سعیدہ خان نے کہا کہ امیر مقام کی خصوصی کاوشوں اور دلچسپی کو صوبہ بھر کے فنکار بڑی قدر کی نگاہ سے دیکھتے ہیں۔ اب تک جتنے مستحق فنکاروں کو امدادی چیک جاری کیے گئے ہیں، وہ وفاقی حکومت اور کلچرل ڈیپارٹمنٹ کے شکرگزار ہیں۔
انہوں نے یہ عزم بھی دہرایا کہ بلا سیاسی امتیاز صوبہ بھر کے اداکاروں، گلوکاروں، شاعروں، لکھاریوں، موسیقاروں اور شوبز سے وابستہ ہر ہنر مند کے جائز حقوق کے حصول کے لیے ہمیشہ آواز بلند کرتے رہیں گے۔
