خیبر ٹی وی کے مقبول کامیڈی میوزیکل پروگرام شینو مینو شو میں صوابی کے معروف فوک گلوکار فریدون باچہ نے اپنی منفرد اور شاندار پرفارمنس سے ناظرین کے دل جیت لیے۔
پشاور (شوبز ڈیسک): خیبر ٹی وی پر نشر ہونے والا شینو مینو شو سیزن تھری بتدریج مقبولیت کی نئی منازل طے کر رہا ہے۔ اس کامیڈی میوزیکل شو کے مرکزی میزبان مینہ شمس اور سید رحمٰن شینو ہیں، جبکہ شاہد ملنگ اپنی ٹیم کے ہمراہ پشتو کے مشہور اور دلکش نغمات پیش کرتے ہیں۔
گزشتہ قسط میں صوابی کے فوک اسٹار فریدون باچہ نے روایتی ٹپے، چاربیتہ اور غزلیں پیش کیں، جنہیں ناظرین نے بے حد سراہا اور خوب پسند کیا۔
واضح رہے کہ شینو مینو شو خیبر ٹی وی کا ایک عوامی اور فیملی پروگرام ہے، جسے پاکستان کے علاوہ افغانستان، متحدہ عرب امارات اور دیگر ممالک میں مقیم پشتون ناظرین اپنے اہلِ خانہ کے ہمراہ باقاعدگی سے دیکھتے ہیں۔
