ڈھاکہ: بنگلہ دیش میں ”جوئے بنگلہ ” نعرے کے خاتمے کے بعد کرنسی نوٹوں سے شیخ مجیب الرحمان کی تصویر بھی ختم کردی گئی ۔
5 اگست کو عوامی انقلاب کے نتیجے میں شیخ حسینہ واجد کی حکومت کا تختہ الٹنے کے بعد سے بنگلہ دیش میں اہم مثبت تبدیلیاں سامنے آئی ہیں ۔
عبوری حکومت کی جانب سے شیخ مجیب الرحمان کی پالیسیوں اور ان کی بیٹی شیخ حسینہ واجد کے اقدامات کی نفی کی جا رہی ہے جس کو عوامی حمایت حاصل ہے ۔
اس حوالے سے بنگلہ دیش کی عبوری حکومت کا سب سے اہم فیصلہ :
عبوری حکومت کی جانب سے عوامی خواہش کے تناظر میں شیخ مجیب الرحمان کا دیا گیا نعرہ ”جوئے بنگلہ ” ختم کرنا ہے ۔
ایپلیٹ ڈویژن کے فیصلے کے بعد ”جوئے بنگلہ”کو اب قومی نعرہ نہیں سمجھا جائے گا، بنگلہ دیشی میڈیا
عبوری حکومت کی جانب سے ایک اور انقلابی اقدام :
بنگلہ دیشی کرنسی نوٹوں سے شیخ مجیب کی تصویر ہٹانے کا فیصلہ بھی ہے ۔
بنگلہ دیش جو نئے نوٹ شائع کر رہا ہے ان میں حالیہ انقلاب کی خصوصیات بھی شامل ہیں، میڈیا رپورٹس
عبوری حکومت کے اقدامات سے ثابت ہوتا ہے کہ اب شیخ مجیب الرحمان اور ان کی بیٹی کی نفرت کی سیاست کو ختم کیا جا رہا ہے ۔
