نیویارک: وفاقی وزیر خزانہ و محصولات سینیٹر محمد اورنگزیب نے امریکی ایکسپورٹ امپورٹ بینک کے چیئرمین جان جوانووچ سے ملاقات کی۔
یہ ملاقات 81ویں اجلاس اقوام متحدہ کی جنرل اسمبلی میں شرکت کے لیے دورۂ نیویارک کے دوران ہوئی۔
ملاقات میں پی آئی اے کے لیے طیاروں کی خریداری، ریفائنری اپ گریڈز اور ریکو ڈک کان کنی کے منصوبے کے لیے مالی معاونت کی فراہمی پر تبادلہ خیال کیا گیا۔
انہوں نے گراؤنڈ کیے گئے بوئنگ 777 طیاروں کو دوبارہ سروس میں لانے کے لیے اسپیئر پارٹس کی ضرورت پر بھی زور دیا۔
دونوں جانب سے وسیع تر تعاون کے فریم ورک پر کام جاری رکھنے اور ترجیحی بنیادوں پر معاملات کو آگے بڑھانے پر اتفاق کیا گیا۔
ان معاملات میں طیاروں کی پری ڈیلیوری ادائیگیوں کے لیے ممکنہ مالی معاونت بھی شامل ہے۔
ریفائنری اپ گریڈز کو بھی امریکی ایکسپورٹ امپورٹ بینک کی معاونت کے ایک ممکنہ شعبے کے طور پر زیر غور لایا گیا۔
ریکو ڈک کے حوالے سے وزیر خزانہ نے پاکستان کی مستقبل کی برآمدات کے لیے منصوبے کی اہمیت اور تاخیر کی لاگت کو اجاگر کیا۔
وزیر خزانہ نے منصوبے کے لیے امریکی ایکسپورٹ امپورٹ بینک کے مسلسل عزم کا خیرمقدم کیا۔
