نوشہرہ میں 3 پوتے پوتیوں کو زہر دےکر قتل کرنےکےکیس میں اہم پیشرفت ہوئی ہے ،پولیس کے مطابق بچوں کو قتل کرنے والی دادی کو گرفتار کرلیا گیا۔
نوشہرہ پولیس نے بتایا کہ گرفتار خاتون کے بیٹے نے عدالت میں ماں کے خلاف بیان ریکارڈ کرادیا، بیٹے کے بیان پر ملزمہ کو گرفتار کیا گیا ۔
نوشہرہ میں ایڈیشنل سیشن جج کی عدالت میں بیان دیتے ہوئے بچوں کے والد نے کہا کہ اس کی ماں کو اس کی بیوی پسند نہیں تھی،ماں نے اسے کھانے میں زہردے کرمارنے کی کوشش کی لیکن وہ کھانا بچوں نے بھی کھایا ۔
خاتون کے بیٹے کا کہنا تھا کہ زہریلا کھانا کھانے سے میری بیوی تو بچ گئی لیکن بچے جانبر نہ ہوسکے، پولیس نے بچوں کی دادی ملزمہ شاہین کوگرفتار کرلیا ۔
پولیس کے مطابق واقعے کی مزید تحقیقات جاری ہیں، زہردینے کا واقعہ 19 مئی کو پیش آیا تھا ۔
