امریکہ اور ایران کے درمیان بڑھتی کشیدگی کے باعث عالمی منڈی میں خام تیل کی قیمتوں میں اضافہ ریکارڈ کیا گیا ہے۔
عالمی مارکیٹ میں برینٹ خام تیل کی قیمت 85.28 ڈالر فی بیرل تک پہنچ گئی، جبکہ ڈبلیو ٹی آئی خام تیل 79.98 ڈالر فی بیرل پر ٹریڈ کر رہا ہے۔
رپورٹس کے مطابق برینٹ خام تیل کی قیمت میں آج 1.25 فیصد اضافہ ہوا، جبکہ ڈبلیو ٹی آئی خام تیل کی قیمت میں 0.63 فیصد اضافہ ریکارڈ کیا گیا۔
مشرق وسطیٰ میں جاری کشیدگی کے باعث عالمی توانائی منڈی میں بے چینی برقرار ہے اور سرمایہ کار تیل کی سپلائی سے متعلق خدشات کا سامنا کر رہے ہیں۔
