مودی حکومت پر شیو سینا پارٹی کے سنجے راوت کی شدید تنقید ،پہلگام فالس فلیگ آپریشن اور آپریشن سندور کی ناکامی کے بعد سے بھارت کے اندر سے سوالات اٹھ رہے ہیں ۔
آپریشن سندور، یا آپریشن سیاست؟ مودی سرکار کا ڈرامہ بے نقاب،شیو سینا پارٹی کے لیڈر سنجے راوت نے بی جے پی کو کڑی تنقید کا نشانہ بنایا ۔
آپریشن سندور کی ناکامی پر سنجے راوت نے امت شاہ سے استعفے کا مطالبہ کرتے ہوئے کہا کہ امت شاہ کی ناکامی سے پہلگام حملہ ہوا مگر کوئی جوابدہ نہیں ۔
سنجے راوت کا کہنا تھا کہ 26خواتین بیوہ ہو گئیں، لیکن مودی حکومت صرف کریڈٹ لینے میں مصروف ہے ۔
انہوں نے کہا کہ پہلگام کے 6 دہشتگرد ابھی تک اس لیے نہیں پکڑے گئے شاید انہوں نے بی جی پی میں شمولیت حاصل کرلی ہے ۔
سنجے راوت نے کہا کہ مودی جی کو شہیدوں سے زیادہ اپنی تصویریں چھپوانے کی فکر ہے،مودی سرکار نے سندور جیسے مقدس نشان کی بھی بے حرمتی کردی ہے ۔
ان کا مزید کہنا تھا کہ پہلگام میں عورتیں بیوہ ہو گئیں اور دلی میں سیاست کا میلہ لگا ہوا ہے، مودی نے بی جے پی ورکروں کو سندور بانٹنے بھیج کر عورتوں کی توہین کی ۔
