پشاور (شوبز رپورٹر) — کے ٹو ٹیلی ویژن پشاور سنٹر سے نشر ہونے والا مقبول میوزیکل پروگرام “پخیر راغلے” ناظرین کی بھرپور توجہ حاصل کر رہا ہے۔
اس شو کی میزبانی مینہ شمس اور اکبر علی کر رہے ہیں، جہاں براہِ راست کال کرنے والے ناظرین سے گپ شپ کی جاتی ہے اور ان کی پسند کے مطابق نغمات پیش کیے جاتے ہیں۔
اکبر علی اپنی مدھر آواز کے ذریعے پروگرام کو مزید دلکش بناتے ہیں، جبکہ شو میں مختلف مہمان فنکار بھی اپنی پرفارمنس پیش کرتے ہیں۔
گزشتہ پروگرام میں خیبر ٹیلی ویژن کے سینئر ایڈیٹر اور فیملی ممبر واجد علی نے اکبر علی کے ساتھ ایک خوبصورت دوگانا پیش کیا، جسے ناظرین نے بے حد سراہا۔
یہ دلکش اور رنگارنگ شو ہر جمعرات کو پشاور اسٹیشن سے براہِ راست نشر کیا جاتا ہے، جس کے پروڈیوسر جی ایم قریشی ہیں۔
