قومی کھلاڑیوں نے ایک بار پھر عالمی سطح پر ملک کا نام روشن کرتے ہوئے ایشین گیمز میں پاکستان کے لیے ایک اور اعزاز سمیٹتے ہوئے کانسی کا تمغہ اپنے نام کرلیا ۔
ای اسپورٹس کے میدان میں پاکستان کی پب جی موبائل ٹیم نے شاندار کھیل کا مظاہرہ کرتے ہوئے کانسی کا تمغہ جیت لیا ہے ۔
دو روز تک جاری رہنے والے ان سنسنی خیز مقابلوں میں پاکستانی کھلاڑیوں نے شروع سے لے کر آخر تک اپنی بہترین حکمت عملی اور ٹیم ورک کا جادو جگایا، جس کی بدولت وہ کامیابی کے ساتھ پوڈیم تک رسائی حاصل کرنے میں کامیاب رہے ۔
اس تازہ ترین کامیابی کے ساتھ ہی ایشین گیمز میں پاکستان کے مجموعی تمغوں کی تعداد بڑھ کر 5 ہو گئی ہے، جو کہ ملک میں ڈیجیٹل سپورٹس کے بڑھتے ہوئے معیار کا منہ بولتا ثبوت ہے ۔
