واشنگٹن: پاکستان کی ثالثی میں امریکہ اور ایران کے درمیان "اسلام آباد مفاہمتی یاداشت” پر عمل درآمد شروع
امریکی فوج کے مشرقِ وسطیٰ میں ذمہ دار کمانڈ سینٹکام نے اعلان کیا ہے کہ صدر ٹرمپ کے حکم پر ایران کی بندرگاہوں سے آنے اور جانے والی تمام بحری آمدورفت پر عائد ناکہ بندی ختم کردی گئی ہے۔
سینٹکام کے بیان میں کہا گیا ہے کہ خلیج میں ایران کی بندرگاہوں کی جانب جانے یا وہاں سے آنے والے تجارتی اور دیگر بحری جہازوں کی نقل و حرکت میں کوئی رکاوٹ نہیں.
امریکی بحری جہاز معاہدے پر عملدرآمد یقینی بنانے کے لیے علاقے میں موجود رہیں گے۔
سینٹکام کے بیان میں کہا گیا ہے کہ امریکہ معاہدے کی تمام شقوں پر مکمل عملدرآمد یقینی بنائے گا۔
امریکی اعلان کو حالیہ امریکی۔ایرانی مفاہمت کے بعد دونوں ممالک کے درمیان کشیدگی میں کمی کی جانب ایک اہم پیش رفت قرار دیا جا رہا ہے.
اس عمل سے خلیج میں بحری تجارت اور جہاز رانی کی سرگرمیوں کی بحالی کی راہ ہموار ہونے کی توقع ہے۔
ماہرین کے مطابق یہ سب پاکستان کی کامیاب ثالثی کے ثمرات ہیں۔
