سہ فریقی سیریز کے تیسرے میچ میں پاکستان نے سری لنکا کو 7 وکٹوں سے شکست دے دی، سری لنکا کے 129 رنز کا ہدف قومی ٹیم نے 16 ویں اوور میں 3 وکٹوں کے نقصان پر حاصل کر کے میچ جیت لیا،صاحبزادہ فرحان نے شاندار 80 رنز بنائے اور ناقابل شکست رہے ، محمد نواز کو 3 اہم وکٹیں لینے پر میچ کا بہترین کھلاڑی قرار دیا گیا ۔
راولپنڈی کرکٹ سٹیڈیم میں کھیلے گئے سہ ملکی سیریز کے تیسرے میچ میں سری لنکا نے ٹاس جیت کر پہلے بیٹنگ کا فیصلہ کیا ۔
سری لنکا نے مقررہ اوورز میں 7 وکٹوں کے نقصان پر 128 رنز بنائے، جینتھ لیانگ نے سب سے زیادہ 41 اور کوسال پریرا 25 رنز بنا کر آؤٹ ہوئے ۔
پاکستان کی جانب سے محمد نواز نے شاندار بولنگ کرتے ہوئے 3 وکٹیں حاصل کیں جبکہ سلمان مرزا، فہیم اشرف اور ابرار احمد نے ایک ایک وکٹ حاصل کی ۔
قومی ٹیم نے 129 رنز کا ہدف 16 اوور میں 3 وکٹوں کے نقصان پر حاصل کر کے سہ ملکی ٹی ٹوینٹی سیریز میں مسلسل دوسری کامیابی حاصل کی ۔
پاکستان کی جانب سے صاحبزادہ فرحان نے شاندار بیٹنگ کی اور 80 رنز بنا کر ناٹ آؤٹ رہے، صائم ایوب نے 20، بابر اعظم نے 16 رنز بنائے، عثمان پانچ رنز بنا کر ناٹ آؤٹ رہے اور سلمان آغا صفر پر آؤٹ ہوئے ۔
محمد نواز کو شاندار بولنگ کرنے اور اہم 3 وکٹیں لینے پر مین آف دی میچ کا ایوارڈ دیا گیا ۔
