پشاور میں وزیر اعلیٰ کے پی علی امین گنڈاپور نے جدید بس سروس منصوبے کو شروع کرنے کی منظوری دے دی ہے۔
ذرائع کے مطابق وزیراعلیٰ کے پی علی امین گنڈاپور نے یہ منظوری خیبر پختونخوا اربن موبیلیٹی اتھارٹی بورڈ کے اجلاس میں دی.سرکاری ذرائع کے مطابق یہ بس سروس چمکنی سے لے کر براستہ رنگ روڈ، اتوار بازار تک چلائی جائے گی،ابتدائی طور پر چمکنی سے حیات آباد تک 100 بسیں چلائی جائیں گی جس سے ڈیڑھ لاکھ کے قریب مسافر روزانہ سفر کریں گے۔ایم ڈی خیبر پختونخوا اربن موبیلیٹی اتھارٹی عماد علی کے مطابق بس سروس کے باعث بی آر ٹی پر رش کم ہوگا، بسوں کی تعداد کو ضرورت کے تحت 200 تک بھی لے کر جایا جائے گا۔
